{သို့……အဝေးရောက်သဇင်}

ဝေးလိုက်တာ….
အဲဒီ သက္ကရာဇ်တွေကို
ကိုယ် အလွန်းခါးသီးတယ် ချစ်သူ…
ရွှေဘို သနပ်ခါးနဲ့ မတင့်တယ်နိုင်တဲ့ အရပ်
ချိတ်ထမီ ချည်အင်္ကျီနဲ့ မတင့်တယ်နိုင်တဲ့ အရပ်
ကမ္ဘာ့ရွာတွေရဲ့ သတ်မှတ်ချက်အရ
“သဘာဝအလှ ဥယျာဉ်” (ဒူဘိုင်း)
မပျော်ဝင်လိုက်မိပါစေနဲ့ ချစ်သူ….
<<စံပယ်ရနံ့ မသင်းတဲ့ အဲဒီ ရွာမှာ
ချစ်သူရယ်….
ဘာကို သာယာမိတာလဲ?>>
““Blood Money သံစဉ်တပိုင်းတစလို
ဒါဟာ အောင်မြင်မှုလား?
ဒါ ရှုံးနိမ့်တာလား?
ကိုယ် ကြေကွဲတယ် မဖြေဆည်နိုင်ဘူးလေ…………။
မသွားနဲ့လေ မတားလိုပေမယ့်
အဲဒီ ဌာနေက ကိုယ့် အတွက် ဆူးတစ်ချောင်းပါ
အတ္တတွေ ပေကျံတဲ့ ကိုယ့်ရင်ထဲ
သီအိုရီအညံ့စားတွေ ပြန့်ကျဲနေပေါ့…….
အဆက်အသွယ်သာ ဖြတ်လို့ ရနိုင်ကောင်းချည်ရဲ့
သံယောဇဉ် ဆိုတာ
ဖြတ်လို့ မရစကောင်းသော အရာပါ သဇင်……..။ ။

{အဖြူစင်ဆုံး}

*အတိတ်တွေ ဘယ်လောက်ခါးသီးခဲ့လဲ?
ဒီကဗျာကတော့ လွမ်းမောဖွယ်စစ်စစ်
သံသယနဲ့တော့ ရိုက်နှက်မစစ်ဆေးလိုက်ပါနဲ့လေ
နာကျင်မှုဒဏ် မခံနိုင်ရှာလို့ပါ…..။
**အတိတ်တွေ ဘယ်လောက်ပျိုမျစ်ခဲ့လဲ?
ဒီ ပစ္စုပ္ပန်အိပ်မက်ကတော့ အနန္တမေတ္တာစစ်စစ်
မျှော်လင့်ချက်အပိုင်းအစနဲ့တော့ မနိုးထဖြစ်ပါစေနဲ့လေ
ပြောင်းလဲမှုဒဏ် မခံနိုင်မှာစိုးလို့ပါ….။
***ရှေ့ဆက်……ဘူမိနက်သန်
အဖြူစင်ဆုံး အနေနဲ့ပါဘဲ
ကဗျာတွေ ပွင့်လန်းလာမယ်
သံစဉ်တွေ မွှေးကြိုင်လာမယ်
ဘာပဲဖြစ်ဖြစ်
ဘယ်လိုပဲ ဖြစ်ဖြစ်
ယုံကြည်မှုကို ထုဆစ်စေချင်တယ်
အဖြူစင်ဆုံး မို့ပါကွယ်
ကျေးဇူးပြုပြီး
ခေါင်းစဉ်ကို ငဲ့ညှာသောအားဖြင့်
ဒီကဗျာလေးကို
အရောင်ဆိုးပြီး မဖတ်ရှုလိုက်ပါနဲ့………